Nimin Dated 20.05.2025 tuesday khan District Disaster Management Authority, Kolasib District and Block Development Officer, Bilkhawthlir RD Block bakah ETC, SIRD & PR, Kolasib tangkawp huaihawtin Bilkhawthlir North conference hall, Bilkhawthir ah Block Level Training in Village Disaster Management Committee neih a ni.
He hunah hian Pu Samuel Lalmalsawma Sailo, BDO chuan a kaihruai a, mihring hian chhiatna hi kan pumpelh thei lova, tun hunah pawh furpui kan thleng chho leh dawn a, chhiatna thleng thei reng a nih avangin chhiatna lo thlen thulha chet lak dan lo zir lawk hi a pawimawh hle a ni a ti.
Pu Lalnunfela District Organiser DM&R chuan Understanding Disaster risk and Legal & Institution Framework in Disaster Management and its functionaries tih thupui hmangin zirtirna a pe a, VC leh YMA chu khawtlanga chhiatna a lo thlen a kutke ber leh tangkai ber an ni tiin chhiatna thleng thei hrang hrang sawiin chhiatna lo thleng thei laka in ven dan leh chhiatna alo thlen thulha chet lak dan turte zirtir in, chhiatna alo thlena tanpuina awm thei hrang hrang leh an inpek theih dan te a tarlang bawk a ni. Training hi Pi T Lalchhanhimi, Faculty, SIRD&PR, Kolasib chuan zirtirna a pe bawk a ni.
Training ah hian Bilkhawthlir RD Block huamchhunga VC 18 a VC President, VC Secretary leh Branch YMA aiawh mi 1 theuh an tel a, vawiin hian VC 22 te hnenah SIRD Kolasib ah training an pe leh nghal a ni.
