Pu Samuel Lalmalsawma Sailo, BDO (Block Development Officer), Bilkhawthlir hmalakna in, Bilkhawthlir Educational Staff Association (BESA) nen Bilkhawthlir khaw chhunga School hrang hrang hnuaia zirlai naupang te tan essay writing competition leh lemziak intihsiak buatsaih a ni a.
High School leh Higher Secondary School tan thupui thuhmun,”Zirna hian engtinnge Bilkhawthlir hi eizawnna kawngah te, thianghlimna kawngah te, taimakna kawngah te leh rinawmna kawngah te danglamna a thlen theih ang” tih hmangin essay inziahsiakna neih a ni a, Middle School section tan thupui “Zirna, Ram leh Khawtlang Hmasawnna” tih hmangin essay inziahsiakna neih a ni bawk. Primary section-ah chuan, thupui, ”Faina leh Thianghlimna” hmangin lem ziah intihsiakna neih a ni bawk.
Vawiin ni 28th October, 2025 khan BDO pisa ah certificate leh lawmman pawisa nen a hlanna hun neih a ni a, programme nuam tak hman a ni a, BDO chuan a thusawi naah zirna hi changkanna thlen tu pawimawh ber a ni a, chhungkua atanga in tanin, kan school te hi mihring puitlinna thlen tu bulthut pawimawh ber a ni tiin naupang leh zirtirtu te chu a chah a ni. BDO hian BESA tanpuina pawisa a hlan tel nghal bawk a. a hma in matric exam tur camp nei te tan lehkha an zirtui nan an ei tur duhzawng te buatsaihsakin, school hrang hrang a lehkhabu chhiar tur tha te pawh a lo ngaihtuah sak tawh thin bawk a ni.
Lawmman dawng tute:
Higher Secondary School & High School
1st - Malsawmtluangi Ralte,
Class IX, Bilkhawthlir High School
2nd - Pricilla Remruatpuii,
Class XI, Bilkhawthlir Higher Secondary School
3rd - Lallawmsangi,
Class XII, Bilkhawthlir Higher Secondary School
Middle School
1st - Judy Lalruatdiki
Class VIII, Govt M/S II
2nd - Pc Lalrinsangi
Class VIII, Govt M/S II
3rd - Malsawmkimi Pachuau
Class VII, Presbyterian English School, Hmarveng
Primary School
1st - Krossnunpuii,
Class IV, Govt P/S II
2nd - Leah R Vanlalhminghlui
Class IV, Presbyterian English School, Hmarveng
3rd - Lalruatkima
Class - IV, Govt P/S III
