Bilkhawthlir, the 20th February, 2025 : Bilkhawthlir RD Block Level Organising Committee for State Day of Prayer in alo rel tawh angin ni 20.02.2025 zing dar 7:30 ah Bilkhawthlir Community Hall ah State Day puala kohhran bik awm lova tawngtai rualna hun hman a ni.
He hun hi Pu Samuel Lalmalsawma Sailo, BDO, Bilkhawthlir RD Block chuan kaihruai in, State Day of Prayer hmang tur hian intihluihna a awm lova, Kohhran bik pawh a awm lova, Kohhran hrang hrang hnenah sawmna sem chhuah a nih thu a sawi a, he hun hi intuaitharna leh hmasawn tura inralrinna hun atan hmang theuh turin a duh thu a sawi bawk a ni.
Hunserh hi Pastor Zaithanmawia Pachuau, Christ Redemption Church chuan a hmang a, Seventh Day Adventist atangin Pi Lalngaihawmi chuan zaiin kal khawm te a awi a, Capt. BK Luna, Salvation Army, Bilkhawthlir Corps hnen atangin thusawi tawi ngaihthlak a ni a, Tawngtai rualna hun hi Pastor Lalhmunsanga Tlau, PCI Bilkhawrthlir Hmarveng bialin a kaihruai a, tawngtai thupui atan:
1) Pathianin ram min pek avanga lawmthu sawi nan
2) Ram hruaitu te tan
3) Sawrkar hnathawh te tan
4) Pathian duh dan anga kan ram in hma asawn theih nan
5) Ram mipuite tan
He tawngtai inkhawm a kal hi mi 88 vel an ni a. Pastor Lalhruaitluanga Pachuau, PCI Bilkhawthlir Pastor Bial chuan malsawm tawngtaiin hun a khar a ni.
