Bilkhawthir, the 7th February, 2025: State Day of Prayer Committee in State Day 20th February, 2025 a Kohhran bik awm lova rampui huap tawngtai beihpui RD Block tin huamchhuanga khaw hrang hrang a hmang tura a ngen angin nimin chawhma dar 10:30 khan Bilkhawthlir RD Block huamchhunga hman dan tur relin Block Level Organising Committee chuan BDO Office Chamber ah Bilkhawthlir BDO Pu Samuel Lalmalsawma Sailo, MCS hovin meeting neih a ni.

Block Level Organising Committee chuan tun tumah chuan Block thut hmunah chauh hun hi hman rih mai nise an ti a. Zing dar 7:30 ah Community hall ah hun hman nise an ti bawk. He hunah hian Bilkhawthlir BDO, Pu Samuel Lalmalsawma Sailo, MCS chu chairman a ni ang a, hunserh hi Pastor Zaithanmawia Pachuau, Christ Redemtion church beisei a ni a, Seventh Day Adventist atangin solo Pi Lalngaihawmi beisei a ni bawk ang. Tawngtai rual hi hun hniha then nise tiin hun khatna hi Pastor Lalhmunsanga PCI, Hmarveng bialin a kaihruai ang a, Capt. BK Luna hnena atangin thusawi tawi ngaihthlak a ni ang. Tawngtai hun hnihna hi Pastor Jacob Lalremsanga, UPC (NEI) chu kaihruai tura beisei a ni a, Pastor lalhruaitluanga Pachuau, PCI, Bilkhawtlir bial chuan malsawm tawngtaiin hun a khar dawn a ni. He hunah hian Kohhran bik awm lova kal vek turin mipuite sawm an ni.