Vawiin 01.05.2025 (Thursday) hian Govt. T Robert High School leh Bilkhawthlir High School ah te pawl 10 pass thar te lawmpuina leh fuihna hun Pu Samuel Lalmalsawma Sailo, BDO Bilkhawthlir in a hman pui a,  Pawl 10 pass thar te chu zirna kai lawn ah pen khat an pen ta a , pen zel tur leh  a sang ber thleng turin a fuih a , tih hram hram na leh thuawihna hi hlawhtlinna bul anih zia te , taimak na hian talent a hneh thei a ni tiin an kal zelna turah pathian tih tlat turin a fuih bawk a ni. Hlawhtlinna chang ve rihlo te pawh beidawng mai lo a, a lehpekah chuan hlawhtlinna chang ngei tura bei sauh sauh tur leh tuna pass thar te aia dinhmun sang zawk ah an ding theih ani tih hria a, a aia taima lehzual tur in a fuih a ni. He hun ah hian Pass thar te chu lawmpuina thilpek a hlan nghal a ni.

T Robert High School atang hian Regular Cadidate mi pakua(9) exam in mi paruk an pass a, First Division ah mi pakhat, Second Division ah mi pahnih leh Third Division ah mi pathum an pass a, Private Candidate atang mi pali exam in mi pathum Third Division ah an pass a ni.

Bilkhawthlir High School atang Regular Candidate mi 45 exam in, mi 40 an pass a, First Division ah mi 10 pass in, Second Division ah mi 11 leh Third Division ah mi 19 an pass a, Private candidate atang candidate 10 in exam hmachhawnin, an vaia pass in First division ah 1, Second division ah mi 2 leh Third division ah mi 7 an pass a ni.

He hunah hian Coordinator (Skills) Vanlalhriatpuia pawn thu sawiin DDUGKY hnuaia trade hrang hrang te in hrilh hriatna hun hman a ni a , pawl 10 pass thar te hian DDUGKY scheme hi tha an ti hle a , function zawh lamah hian zawhna leh chhanna hun hman a ni.