Office Chanchin Tlangpui

THUHMAHRUAI

Bilkhawthlir RD Block hi 08.08.2004 atangin Additional RD Block a dah a ni a, ni 01.03.2007 atangin RD Block puitlingah hlan kai a ni. Block huamchhungah hian village council 30(sawmthum) a awm a, kum 2011 chhiarpui ah mihring 57,216 awmin mipa 28,830 leh hmeichhia 28,386 an awm a, in 11,801 a awm a ni.

HMATHLIR:

1. Bilkhawthlir RD Block huamchhunga khaw hrang hrang ten khawtlang rotling thil(asset) leh hmasawnna chak zawk an neih theih nan a tul ang zel a hmalak a, bawh zui.
2. Thingtlang mirethei leh harsaten lei rem an lo rah theih nan leh dinhmun tha zawk a an lo chuan kai theih nan an hmasawnna tur ngaihtuah sak.

HMACHHAWP:

1. Thingtlang a khawsa, kut hnathawk a eizawng, mi harsa leh chhumchhia te dinhmun chawikan leh hma an lo sawn a an lo intodelh theih nana kawng dap pui leh tanpui.
2. Thingtlang khaw hrang hrangte dinhmun chawikan a, an hmasawnna tura kawng tin reng hmalak pui.
3. Central atangin emaw State Sorkar hmalak na atang emaw a Scheme/Project etc. awm reng reng thingtlang mite tan tha taka kalpui a, dik tak a hlen chhuah.

OFFICE HNATHAWH TLANGPUI:

1. RD Block a BDO office hnathawhin a tum ber chu thingtlang khaw hrang hrangte chawikan a, hmasawnna thlen a ni. Hmasawnna a thlen theih nana Sorkar Scheme hrang hrang MGNREGS, IAY, IWMP, IWDP, NRLM, RHS, HPS, SES, PYKKA, etc. hnuaia atanga tanpuina leh hamthatna awmte hmanga Block huamchhungah hmalak a ni. Heng bakah hian Election chungchang te, chhiarpui chungchangah te leh chhiatrupna lak a invenna chungchang ah te theihtawp a hnathawh zel a ni bawk a, dan leh thupek ken kawh chungchangah pawh DC/SDO(S) in thu a chhuah ang bawhzui thin a ni. Secretariat/ Directorate/DRDA Kolasib office atanga tih tur pawimawh leh hriattirte block huam chhungah bawh zui a ni bawk.

HMALAKNA HRANG HRANG TE:

            Hmalak leh hnathawh tlangpuite chu hetiang hi a ni-

1.CENTRALLY SPONSORED SCHEMES

            1)MAHATMA GANDHI NATIONAL RURAL EMPLOYMENT GUARANTEE SCHEME (MGNREGS):              Thingtlang mite ei leh bar zawn kawng a an lo samkhai zawk a, hma an sawn theih nan thingtlang a khawsa chhungkaw tin atangin puitling chin, thiamna bik ngai lo a hnathawk duhte tan kum khat chhung a tlem berah ni 100 inhlawhna siamsak. Hna thawhtur mamawh chuan Programme Officer/VEC te hnenah dilna a siam theih a, a dik ngeite job card siamsak an ni. Hnathawh zawh veleh hlawh mi pakhat zelah Sorkar-in rate a bithliah ang zelin an bank account-ah dahsak thin a ni a, mipuiten an account atangin hlawh an la chhuak thin.

                        MGNREGS hnuai a hnathawh theih chhawpchhuah tlangpuite chu :

1. Tui khawl, ruahtui dah khawl leh sengkhawmna lam.
2. Khawkheng lak a invenna tur a ramngaw siam leh humhalh lam.
3. Tuikawng tha zawk siam.
4. Tui kawng siamna tur a hmanrua te, thlai tiak phun leh horticulture/ land development ang chi ahte thingtlang mite hma lakpuina tur te leh ram tih tui lehna kawng a hmalakna hrang hrang a hlawkna teltu IAY/BPL family mi an nih chuan.  
5. Tuikhur/ tuilakna kawng siamthat leh enkawl.
6. Ram leilung tih hmasawn leh siamthat.
7. Tuilian venna leh tuihawk luan kawr siam.
8. In kalpawhna tha/kawngpui tha siam. A tulna hmunah culvert siam.
9. Hna dang Central Sorkar in pawimawh a tih State Sorkar nen inrawn a thawh theih a puan ang chi thawh.

            2)INDIRA AWAS YOJANA(IAY):

                        He scheme in a tum ber chu thingtlang a cheng mi harsa, Tribal, Sal/Bawi chhuah zalen hote leh BPL chhungkua ni rengte chenna in sak thar emaw, thuam that sak tur a a hlawm a sum leh pai a tanpuina pek a ni. Heng bakah hian hmeithai retheite, Sipai indona a thi chhungte leh Sipai bang te pawh tanpuina pek theih an ni. IAY hi a dawng tu tur te central duh dan ang in district tinah permanent wait list siam lawk vek a ni a, chumi mil chuan a indawt a sem tur a tih a ni. Wait list a IAY tanpuina dawngtu tur te hi khawtin a Gram Sabha in a thlang chhuak thin.  Tanpuina dawngtu chhungkaw  tin hnenah  in thar sak nan Rs.75,000 pek an ni a, tanpuina hi IAY beneficiary bank account kal tlangin pek a ni. He tanpuina sum hi dik tak leh a nihna tur ang taka hman a nih leh nih loh endik thin a ni. He scheme hnuai a insak reng rengte chu in neitu hming, sak kum, leh rural housing chhinchhiahna te dan in a phut angin tar zel tur a ni.

            3)NATIONAL RURAL LIVELIHOODS MISSION(NRLM): He scheme hnuaiah hian thing tlang mirethei BPL chhungkua te chu poverty line chunglam a an dinhmun chawi kang turin tanpuina ruahman sak an ni. Mirethei ten a huhova hma an laknatur a self-help group dinte an thiam na ti pung tur a training pek leh sum hnar nghet an insiam ve theihna tura Bank a sum an puk theihna tur leh sorkar atangin revolving fund, Community Investment Fund an hmuh theihna tur kawng dap sak turin hmalak a ni He hmalakna atang hian BPL chhungkua te APL ah chawikan tum a ni.

            He scheme hnuai a tanpuina dawng tute chu basic orientation programme neih pui a training pek an ni a. Tanpuina sum hi SHG hnenah a then Bank in a puk tir a, a then chu sorkar CIF ang a pekchhuah a ni thung.

4)INTEGRATED WASTE LAND DEVELOPMENT PROGRAMME (IWDP):He project in a tum  ber chu lui zau(watershed) a ram bua leh chheng chhia, hman tlak tawh loh a ngaih te chei that leh a mipuite tan a hman tlak leh chhawr tlak a siam that leh a ni. Hei hian a huam chhung a mi cheng harsa zawk te dinhmun chawi kan a tum a ni. Ram chhe siam that ngai hi 500 ha.vel tal a ni tur a ni. Watershed tui in tur a harsa bikte thlan tur a ni a. Lo a neih dak tawh leh ram bua tawhte watershed ram chhung a awm chu thlan tur a ni. Hmun pilril leh hla zawk a mi te chu thlan tur a ni lova, mipuiten an thawh tam theih leh tangkai pui theih ang ber tur hmun a mi a ni tur a ni.

5)INTEGRATED WATERSHED MANAGEMENT PROGRAMME(IWMP): He programme in a tum ber chu ram leilung hausakna chereu tawh humhalh a chhawr tangkai leh a ni. Lei chunglang da zel tur ven te, thlai chin leh theihna tur a ram siam that te leh tui lak khawl leh luang ral tur ven te hi a hnathawh tum a ni. Mipuiten eizawnna innghahna tlak an lo neih theihna tura hmalak a ni, lui kam a ramro leh chereu tawh mai bakah ruahtui in a a chawm that ramte pawh a huam tel ang. IWMP hi Mizoramah tan chhoh mek zel a ni.

2.STATE PLAN SCHEME

1)SOCIAL EDUCATION SCHEME:Social education scheme hnuaiah hian khaw hrang hrang in hmasawn nana mamawh thil Cretche Centre, Anganwadi, Library Building, Community Hall, YMA/MHIP/MUP Office leh information centre building sakna turin tanpuina pek chhuah thin a ni. Heng bakah hian khel mual siamna tur leh a awmsa zauh na turte, khawtlang mipuiin an chhawr tangkai theih tur ang thil dang siam nan te tanpuina pek a ni thin bawk.

2)RURAL HOUSING SCHEME: He scheme hnuaiah hian chenna in neilo miretheiten chenna in an neih theih nan tanpuina pek thin a ni. Rangva GCI sheet leh tanpuina dang te pek chhuah thin a ni.

3)HOUSING FOR PROJECT STAFF(HPS): He project hnuaiah hian sorkar quarters siam that ngai, chei ngai leh sak ngaite sak thin a ni.

            Centrally sponsored scheme leh state plan scheme a chunga tarlante hi Bilkhawthlir RD Block huam chhungah bawhzui a hmalak thin a niin hlawhtling tak a kalpui a ni thin.

            3.Chhiatrupna lo thleng leh khuarel vanduaina tawk an awmin tanpuina a bungrua leh a sum fai a pek chhuah thin a ni. Chhiatrup thil RD Block huam chhung a a lo thlenin rang tak a endik hnathawh thin a ni a, a tul angin assessment te la a calamity relief fund a tang a tanpuina dawng tur a puih thin a ni.

            4.(a)Assistant Electoral Tegister Officer Office anih ang in electoral roll hearing neih a nih in RD Block huam chhunga khua leh tui diktak vote nei thei te roll a thun leh paih ngai te paih a siam that ngai lai te siam that tur a hmalak a en zui zel a ni.

            (b)Ram pum huap chhiar pui, population enumeration te, SECC teleh census dang sorkar in a kal puite RD Block huam chhung ah dik leh tha tak a thawh a ni.

            5.PANCHAYAT YUVA KRIDA AUR KHEL ABHIYAN(PYKKA): RD Block huam chhung a a thalai naupang zawk kum 16 chin leh a hnuai lamte infiamna lam a hma an sawn theih nan theihtawp a hmalak a atul ang zel a infiamna lam a hmasawnna ngaih tuah sak an ni. Khaw thlanchhuah bik te tan khelmual leh Sport infrastructure tih changtlun nan sum fai a tanpuina pekchhuah thin a ni. Block headquarters a Sport infrastructure tih changtlun nan tanpuina siam a ni thin bawk. 

            BDO Office, Bilkhawthlir RD Block a thawktute leh hna chan leh biak pawh theihna number a hnuaiah tarlan a ni:-

Department : Rural Development Department,

Office             :Block Development Officer, Bilkhawthlir RD Block

            BDO Office Bilkhawthlir atanga vuivaina leh hriat duh zawhna no. chu a hnuaia mi ang hi a ni.

            Office hun chhungin hriat duh leh mamawhte engtik lai pawhin khi mi number ah khian zawh theih a ni.